Hasiera / Berriak / EROSKI-K 3,2 MILIOI EURO IRABAZI DITU LEHEN SEIHILEKOAN

Berriak

EROSKI-K 3,2 MILIOI EURO IRABAZI DITU LEHEN SEIHILEKOAN

2017-10-09

Etekina %10,5 , igo da epe bereko iazko datuak hartuta, eta, hala, emaitza positiboetan dela berretsi du.

Elorrio, 2017ko urriaren 6a.-EROSKI Taldeak lehen seihileko honetako kontuak itxi ditu 2017ko uztailaren 31n, eta 3,2 milioiko emaitza positiboa izan du; horrek esan nahi du %10,5 hobetu duela epe bereko iazko datuak hartuta, eta, hala, emaitza positiboetan dela berretsi du. Fakturazioak zertxobait egin du gora (%0,2) epe honetan, desinbertsioen ondorioz atera diren saltokiak kenduta, eta 2.777 milioi eurotan finkatu du negozio kopurua eta 48 milioitan emaitza operatiboa; hortaz, urtearen hasieran iragarritakoa bete du.

Urteko lehen zatian, EROSKIk 186,6 milioi eurotan arindu du zor finantzarioa, eta, hala, bete ditu hartuak zituen konpromisoak. Horretaz gain, 38 milioi eurotara igo du saltoki propioen eta frankiziatuen inbertsioa, eta aurrera doa bere eraldaketan. Inbertsioaren zati handiena dendak birmoldatzeko eta supermerkatu berriak irekitzeko erabili du; guztira, 57 denda birmoldatu ditu (55 supermerkatu eta 2 hipermerkatu) eta belaunaldi berriko 21 supermerkatu urbano ireki. Saltoki horiek irekita eta Zurekin denda eredu berrira eraldatuta, 247 lanpostu sortu dira.

Lehiakortasuna da EROSKIren lehentasunezko ardatzetako bat datozen urteetarako. Alde horretatik, kontsumitzaileei egindako aurrezpen globala 121 milioi eurotara iritsi da.
Aurrezpen hori eskaintzen eta promozioen bidez gauzatu du, eta iaz epe berean baino %6,5 baino handiagoa izan da. Hor, nabarmentzekoak dira Bezero Bazkideei egindako eskaintza esklusiboak, dela EROSKI Club txartelaren bitartez eta dela EROSKI Club Mastercard kreditu txartel berriaren bitartez, zeina iazko maiatzean atera baitzuen.

Bestalde, kooperatiba nagusiak, EROSKI Sozietate Kooperatiboak, 9,8 milioi euroren etekinak izan ditu lehen seihilekoan, iaz baino %11 gehiago. EROSKIri buruz Kooperatiba izaerako Espainiako lehen banaketa taldea da EROSKI, eta erreferentziazko operadorea Galizian, Euskal Autonomia Erkidegoan, Nafarroan, Katalunian eta Balearretan. 1.796 saltokiko sare komertziala du.

Saltoki motari dagokionez, hor ditu supermerkatuak, hipermerkatuak eta cash&carry-ak; eta, horrez gain, gasolindegiak, bidaia bulegoak, lurrindegiak eta kirol ekipamendurako dendak. Zazpi milioi Bezero-Bazkide baino gehiago ditu, eta 32.000 kooperatibabazkide eta langile-bazkidetik gora.

EROSKI, S.COOP